കണ്മണി...

സുഷുപ്തിയില്‍  താലോലിച്ച കണ്മണി...

നിന്നെ കാണുവാനായി 
  കൊതിച്ചിരുന്നേറെ

ആ നിലാവൊഴുകും പുഞ്ചിരിയും കളിക്കൊഞ്ചലും

ഓര്‍ത്തെടുത്ത പകലുകളില്‍

ഒന്നു മിണ്ടുവാന്‍

മാറോടു ചേര്‍ത്തുവെയ്ക്കുവാനുള്ളം പറഞ്ഞപ്പോഴും

അകലെയുള്ള നിന്നെക്കുറിച്ചൊന്നും 
ചോദിക്കാതിരുന്ന എന്നെ

ഓര്‍മപ്പെടുത്താനായി പരിഭവമെന്നോണം

പറഞ്ഞയച്ചതാണോ...ആ പടം.

 
കാണാതെ പോയി ഈ നാളത്രയും

എങ്കിലും കാണുന്നെന്നും നിന്നെ ഓമലെ...

സ്വപ്നത്തിലും ഒരു ജീവിതമുണ്ടെങ്കില്‍

താലോലിക്കാം നിന്നെ പരിഭവമേതുമില്ലാതെ..

ഇടയ്ക്ക് കൊതിക്കുമ്പോള്‍ 

ആ പടം കാണാം 

നിന്നോട് ഇത്തിരി മിണ്ടാം

അനുഗ്രഹങ്ങളേകാം....