ഒരുനാൾ

നിന്നെ കാണാമെന്ന പ്രതീക്ഷയേകി
ഓരോ ദിവസവും എന്നെ തഴുകിയുണർത്തും

ഒരോ കാലൊച്ചയിലും കൺകൾ  പരതും
ആരോ വിളിക്കുന്നതായി മനസ്സ് പറയും
അരികിലായി നീയുണ്ടെന്ന്
ആത്മഗതം ചെയ്യുമെന്നല്ലാതെ
അന്നും  ഇന്നും
നിന്നെ ഞാൻ അറിയാതെ പോകുന്നു.

എവിടെ ഇനി തിരയുമെന്നറിയില്ല
കാലമിത്രയും കാത്തിരുന്നതിൻ
നിരാശമറയ്ക്കാൻ
എൻ്റെ ചുണ്ടിൽ വിരിയിച്ച നിൻ്റെ പുഞ്ചിരി
നിന്നെ സ്വാഗതമേകാനായി
എന്നോ എന്നിൽ ഒരുങ്ങിയിരുന്നു.

സ്വപ്നങ്ങളിലെ അവ്യക്തതകൾ
നൊമ്പരമായി  അവശേഷിക്കവെ
ഒരുനാൾ നീ വരുമെന്ന കാത്തിരിപ്പ്
ഇനിയും നീളുമോ കൃഷ്ണാ...