സമരം

കാലങ്ങൾ മുന്നേ
ഒറ്റപ്പെട്ട വഴിയിൽ പകച്ചു നിന്ന
എന്നോടായിരുന്നു
ആദ്യ സമരം.
സ്‌തബ്ധമായ നാവ് ചലിപ്പിക്കാൻ
നഷ്‌ടമായ ചിന്തകളെ വീണ്ടെടുക്കാൻ
വിപ്ലവകാരിയായി.
എന്നിലെ വിശ്വാസിയോടും
രാഷ്ട്രീയവാദിയോടും
കലഹിച്ചു.
വിശപ്പിന്റെ വേദന
മറന്നുപോയെന്നറിഞ്ഞ നിമിഷങ്ങളിൽ
കണ്ണുനീരൊഴുക്കി.
വർഗീയം വിഷം ചീറ്റിയപ്പോൾ
മുഷ്ടിചുരുട്ടി.
സ്വാർത്ഥത കെണിയൊരുക്കവേ
കണ്ണുരുട്ടി.
എന്റെ സമരം എന്നും
എന്നോടായിരുന്നു.
നാളെയും.