സ്വപ്നങ്ങൾ ചിലപ്പോൾ
അന്യമായി തീർന്നത്
ഒരുനാൾ തിരികെയെത്തുമെന്ന
പ്രതീക്ഷയാകാം.
പ്രിയമായിരുന്നത്
ഒരു മഴയിലോ ഇളം വെയിലിലോ നിലാവിലോ
വന്നണയുമെന്ന വിശ്വാസമാകാം.
നെടുവീർപ്പുകൾക്കിടയിൽ
എന്നോ തഴുകി വന്ന മയക്കം
ഒരു നിമിഷമേകിയ ആശ്വാസമാകാം
കാത്തുനിൽപ്പിലെ വർഷങ്ങളിൽ
പെയ്തുപോയ ഋതുഭേദങ്ങളിൽ
മാറ്റമില്ലാതെ സ്വപ്നങ്ങളേ
നിങ്ങൾ കൂടെയുണ്ടെങ്കിൽ
ആ ഒരു നാൾ വരാതെ ആകില്ല
ആ ചിറക് മുളയ്ക്കാതെ ആകില്ല.
No comments:
Post a Comment