നീല കമ്പളം പുതച്ചുറങ്ങും
ആകാശം
നക്ഷത്ര കൺകൾ
ചിമ്മി ചിമ്മി പറഞ്ഞു
ഉറങ്ങാൻ നേരമായെന്ന് .
കൂമ്പിയ മിഴികളുമായി
ചെമ്പരത്തിയും
പുലരെ വിരിയാനായി
ഈ രാവിൽ അണിഞ്ഞൊരുങ്ങും
ചെമ്പനീർ പൂമൊട്ടും
പതുക്കെ പറഞ്ഞു
ഉറങ്ങാൻ നേരമായെന്ന്.
കൃഷ്ണ പാദങ്ങളെ
പ്രണയിക്കും തുളസിയും
ആ തപസ്സിനിടയിൽ
നെറുകയിൽ വീണ
മഞ്ഞുതുള്ളിയോടൊപ്പം മന്ത്രിച്ചു
ഉറങ്ങാൻ നേരമായെന്ന്.
അകലെ നിന്നെങ്ങോ
രാക്കിളിയും അത് മൂളി
പക്ഷെ നേരമായില്ല
സ്വപ്നങ്ങളെ മാടിവിളിക്കും നക്ഷത്രങ്ങൾ
ഇഷ്ടങ്ങളെ നോക്കി
പുഞ്ചിരിതൂകവേ
പ്രതീക്ഷയായി ജ്വലിക്കവേ
അതിനാകുമോ?
ഇനി ഒരുനാൾ
അനന്തനീലിമയിലെ താരകങ്ങൾ
കൈവെള്ളയിൽ വന്നണയാൻ ഉണർന്നിരിക്കണമെന്നും അറിയാം.
No comments:
Post a Comment