എന്നും കൂടെയുള്ള

ഒന്നിനും വേണ്ടിയല്ലെങ്കിലും

എന്നും കൂടെയുള്ള കാത്തിരിപ്പ് ...

ആരെയും നോവിക്കാനല്ല

മനസ്സിലാക്കാതെയല്ല

നഷ്ടങ്ങളെ അറിയാതെയുമല്ല

ഒന്നിനും കഴിയാതെ പോകുമ്പോൾ

വെറുതെ കാത്തിരിക്കാനെങ്കിലും

അനുവാദമില്ലെന്ന് പറയുമ്പോൾ

നീറുമൊരു മനസ്സിന്റെ നോവ്

ഇനി ഏതൊരു വാക്കാൽ പറയും .

ലോകം ഇതാണ് ... മായയാണ്

തത്വമോതി എത്രനാൾ

ഇനിയും കബളിപ്പിക്കും ,

അറിയാതെ തൂകുന്ന കണ്ണുനീരും

ചിരിച്ചതാണെന്ന് പറഞ്ഞ്

ഇനിയും എത്ര നാൾ കോമാളിയാകും .

പ്രായോഗികതയുടെ ലോകത്ത്

എന്നേ പരാജയപ്പെട്ടിരിക്കുന്നു

ഞാൻ മാത്രമല്ല

എന്നിലെ സ്നേഹവും .