എന്നോട് ചോദിച്ചപ്പോൾ

അകന്നു പോകുന്നതെന്തെന്ന്

ഞാൻ എന്നോട് ചോദിച്ചപ്പോൾ

സ്നേഹിക്കുന്നതിനാൽ എന്നു മറുപടി

മറക്കുവാൻ ശ്രമിക്കുന്നതെന്തിനെന്ന് ചോദിച്ചപ്പോൾ

ഓർത്തിരിക്കുന്നതിനാൽ എന്നും

എന്തിനു വീണ്ടും കൺകൽ

നിറഞ്ഞൊഴുകുന്നെന്ന് ചോദിച്ചപ്പോൾ

ഉള്ളിലുള്ളത് ഒന്ന് തുളുമ്പിയത് മാത്രമല്ലേ എന്നും

കാത്തിരിക്കുന്നത് എന്തിനെന്ന് ചോദിച്ചപ്പോൾ

അതിനു മാത്രമല്ലേ കഴിയൂ എന്നും

ഇഷ്ടം നിന്റേതു മാത്രമല്ലേയെന്ന് ചോദിച്ചപ്പോൾ

ആകാം , എന്റെ പ്രണയം സത്യമായിരുന്നെന്നും മറുപടി .