നിമിഷമോരോന്നും കളഞ്ഞു പോകാതെ
കാണണം കിന്നാരം പറയണം
ശ്വാസമോരോന്നും എന്നിൽ നിറയും
നിന്റെ കൂടെ ആകണം
ഇനി എല്ലാം നിനവുകൾ മാത്രമോ ?
പ്രിയമായ ആ വഴികളിൽ
ഒരുനാൾ ഇനി പോകവേ
മനസ്സ് പതറില്ലെന്നതും
നേർത്തൊരു വിശ്വാസം മാത്രമോ ? .
ഒന്നിച്ചു തൊഴാൻ കൊതിച്ചിടങ്ങളിൽ
ഈറനണിഞ്ഞ കൺകളാൽ
തനിച്ചെങ്കിലും പോകണം
ആശ്വാസമേകാൻ പറയണം.
രാത്രിമഴയിൽ കൂട്ടായി വന്ന മിഴിനീര്
മഴ തീർന്നും പെയ്തൊഴിയാതെ
ഏതൊരു ആഴിയിൽ
വലിച്ച് പോകുന്നതെന്നും അറിയില്ല .
ഓരോ നിമിഷവും അലയടിക്കും
ആ ഓർമ്മകളിലും
ആശ്വാസമായി വേദനയായി
നെഞ്ചിൽ ഊർന്ന് വരും
അവാച്യമാം ആ തുടിപ്പ്
എന്നെ കുറിച്ചുള്ള
നിന്റെ ഓർമകളോ
അതോ ഇതും നിനവോ ?
No comments:
Post a Comment