അറിയില്ല
ഒരു കവിതയായ്
പ്രഹേളികയായ്
നീ എന്നിൽ വിടരുന്നതെന്തിനെന്ന്.
ഓരോ നേരവും
നിൻ ചിത്രം
എന്നിലേക്ക് തൊടുക്കുന്ന അനുഭൂതികളെ
ഏതക്ഷരങ്ങളാൽ ചാലിച്ചെടുക്കുമെന്നും
അറിയില്ല.
അറിയാം
കാണാമറയത്തെങ്കിലും
കാണുന്ന നിമിഷമോരോന്നും നീ
എന്തെന്നറിയാത്ത മരീചികയെന്ന്.
ഒന്നും പറയാനാകാതെ
സ്വയം മറന്ന ആ നിമിഷങ്ങളിൽ
എന്നോ നിൻ മുഖചിത്രം
ഞാനെന്നിൽ പ്രതിഷ്ഠിച്ചിരുന്നെന്ന്.
ആരാധനയാകാം
പക്ഷെ പ്രണയമെന്ന് പറയാൻ....
ആകില്ല
കാലമേ അത് നിനക്കറിയാം
No comments:
Post a Comment