കാത്തിരിക്കാം

ഏത് കാലൊച്ചയ്ക്കായി
നിമിഷമോരോന്നും
കാതോർത്തിരിപ്പു നീ

ഏത് പൂവിൻ സുഗന്ധത്തിനായി
കാലമേറെയായി
അലയുന്നു നീ

ഏത് നിലാവിൻ അഴകിനായി
ഇമയണയാതെ
കാത്തിരിപ്പു നീ

ഏത് പുലർകാലം
വന്നണയുവാനായി
എന്നോ ധ്യാനിച്ചിരിപ്പു നീ

മഴയായി വെയിലായി കാറ്റായി
ആ പ്രതീക്ഷകൾ
സ്വപ്നങ്ങൾ...
എല്ലാം ഒളിപ്പിച്ചു വെച്ച്  കാലവും 
കൊഴിഞ്ഞു പോവുകയായി  

കാത്തിരിക്കാം
ജീവശ്വാസം തുടരും വരെയും
അതിനപ്പുറവും
ഏതു ജന്മാന്തരത്തിൽ
വന്നുചേരുമെന്ന് അറിയാതെ
പ്രതീക്ഷയോടെ എന്നും
കൃഷ്ണാ...