മേഘമേ നീ അകലെയായി ...
പെയ്തിറങ്ങുന്നതും കാത്തിരുന്ന
മണ്ണും തപിച്ചിരിക്കയായി .
അകതാരിൽ വന്നണയും
കുളിരിനായി കണ്ട സ്വപ്നവും
അകലെനിന്നും വന്ന കാറ്റെങ്ങോ കൊണ്ടു പോയി .
വർഷങ്ങൾ എത്ര കാത്തിരുന്നു
എത്ര ഋതുക്കളെ ധ്യാനിച്ചിരുന്നു
അത്ര കൊടും വേനലിലും
ഉള്ളിലെ രക്തം ഊർന്നു പോയപ്പോഴും
ഒരു നാൾ നീ വരുമെന്ന് കൊതിച്ചു പോയി .
ഏതൊരു കല്പാന്തത്തിനൊടുവിൽ
ഇനി വന്നണിയും .
അറിയാം, എന്ന് വരുമെന്ന്
പറയാൻ പോലും ആവതില്ലെന്നും.
ജന്മാന്തരങ്ങളിലെ കാത്തിരിപ്പും വെറുതെയെന്ന്
പറയാതെ നീ പറഞ്ഞത്
പോകവേ നിൻ കൺകൾ പൊഴിച്ച
ആ ഒരു മഴ തുള്ളിയാലല്ലേ .
No comments:
Post a Comment