ഓർക്കാനുള്ളത്

 ചിലപ്പോൾ ഓർക്കാറുണ്ടെന്ന്

പറഞ്ഞു കേട്ടു ,

സന്തോഷം ...

ഓരോ നിമിഷവും ഓർക്കാനുള്ളത്

എന്നും എന്റേത് മാത്രമായിരുന്നു .

ചുട്ടുപൊള്ളിക്കുന്ന വെയിലും

കരഞ്ഞു തീരാത്ത മഴയും

ഇരു ധ്രുവങ്ങളിലും

നിമിഷങ്ങൾ കയറി ഇറങ്ങുന്നെന്നും

തള്ളി നീക്കുന്ന രാവുകളിൽ

കൂടെ നിൽക്കുന്ന ദീർഘ നിശ്വാസങ്ങളിൽ

ശരിയെന്തെന്ന് അറിയാതെ

സ്വയം ചോദിക്കയാണ്

ഓർക്കാതിരിക്കാൻ ആകുമോയെന്ന് .

എത്ര അകലെ വന്നാലും

മനസ്സ് കൂടെ വരാൻ ഒരുക്കമല്ലെന്ന് ,

ചോര പൊടിയാൻ എന്തിനായി

അകലാതിരിക്കുന്നെന്ന് ചോദിച്ചാൽ

പൊടിയാൻ ഇനി ഒന്നും

ശേഷിക്കുന്നില്ലെന്ന് മറുപടി .